FEHTARI
autor: Maksimilijan Milan Herceg
Fehtari
Si sme mi fehtari – si
nekaj bi šteli;
Radi bi bili bogati,
zdravi, veseli.
Družina da nam baš sega
ima;
Blagoslova i mira, i
kruha i vina.
Dečeci takaj; se bi
zmolili,
Da bi nam dobri i
spametni bili.
Babici staroj i japi –
kaj se ih boli
I njim se zdravljiče
moli i želi.
Pajdašem pak dragim vu
srcu veselja
I za sakog se najde i
molitva i želja.
A i za se- nekaj se
najde navek,
Navek nekaj nam treba;
jakost, pamet, lek…
I si sme fehtari i
Majčica Božja bu dala
Ali; jel` da je lepo tu
i tam dojti
I reči bar „fala“!
/fehtati =moliti,
prositi…/
MOULI ČLEVIEČEC BUDI
autor: Katica Rajić
Mouli čleviečec budi
Čausek ta f nabe meisel
nejsi
Te po milesti mile
prejsi.
Negder si sigyren do sa
znouš
I pumet do svieto si
pezuobol
Stuni! Bouš f pekel
uopol.
Geveriš, geveriš, kokti
klepyetec.
Ko bile ja vač, ko ize
bou
Ftihni, peslyhni.
Ko bou, EN znou.
A čyejaš Mu Rieč
Čyej kok ja meilo
Na pečatku sago ja bilo.
A mei, z bloto sma zešli.
I ruoža su z bloto sma
zešli.
I ruoža su z bloto
zrosla
I blauga, i krova, ko su
pe trunjiku posla.
Z bloto bednjunskego
keipa meisiš.
Z černego drievo, ko z
bloto si zvljiekel
Križ Jezušu dieloš.
Sa ja z bloto.
Pebieči mu namraš, ni
Žigo ni Koto.
Zote drogi brotinuš
Muoli čleviečec budi
F kyerice bloto i šočice
prauho
EN ja tie ki num sudi.
autor: Branka Jagić
I maslaček se smieje
Dan je polafke polafke
Kak da si ruli očice
Pregledal / otprl svoje
velike oke
I soujnjčece otprle se
svoje okeca
Naluknoule se v
neobdielan otravjen vrt
Je travenj na delu
Se zatravni travni
travenj
Maslaček mam je otprl
souncou osmeh
Kak obloučec svuoj
Kak pouni kroug svoje
cvetne glavice
Kak budnica i veselje
maslaček „zvoni“
Vu te travnate
zeleinjave
Žoute-zlatne smieje se
regica maslaček
Ljudi niesou mogli čujti
smie
Regice maslačka
Ljudi ne znajou čujti
smie cvieta
Ne znajou čujti ni
radost smiea jabuke
Svrži je rescvetene
Ne čuju ni radost svetne
ruške ni slive
Ljudi sou naglui
Za cvetni govor okuol
sebe
Ali čela / mam je začula
dišeči smie
Doletiela mirne stiha
Kak pobožne
Sakomou se cvetekou
vjavila
Obdragala ga i nekulike
pout
Ounda srečna otprhala
dalje dalje
Do smiea nuoveji
cvetekof
Ljudi same čekajou
„ziešou“
Na osmeh zrelosti
poviešene na svržovjou
Hm / el si dagda
gruntajou svojou zrelost
RAD BI JOŠ JENPUT
autor: Milivoj Pašićek
Rad bi još jenput
Rad bi ti došel još jenu zvezdu donesti
A dan se zmegle još ni zvlekel
Same pekel
Same pekel
Rad bi još jenput črlene make na vanjkuš ti deti
Jer još nis svoju zadnju rekel
Same pekel
Same pekel
Rad bi još jenput polek tvoje postelje stati
Znova bi štel ti kuševat ruke
I ne buš, baš nebuš zginut mi smela
Jer ja sem kak cucek stekel
Same pekel
Same pekel
Rad bi još jenput to cvetje na beloj robači
I rad bi vužgal znova vse ljubavne zvezde
I naj se več jenput dogodi taj pekel
Nem se zvlekel
Nem se zvlekel
POŠTAR KLAKINEČKI - igrokaz
autor: Ana Jakopanec
Poštar Klakinečki
Se se ovo događa vu zmišlenome selu
kaj se prostira mam kre Koprivnice. Vreme kad je živlenje bilo tak lepo je leta
1990.
Poštar Miškec
Saki den poštar Miškec raznaša poštu
čez selo Klakinec i okoli. Ima lepo opremlenoga biciklina za taj posel. V rano
jutro dojde Miškec na zborno mesto, zeme poštu, napuni torbu, dene na biciklin
i pela se v Klakinec. Celi den vredno dela, raznaša pisma, pinklece: Njegov
verni pomčnik biciklin mu pomaže da čim prije obavi svoj posel i gda je taj del
gotof, fletno beži svoji Miciki i onda se skup primeju dela okoli hiže il'
kleti, okoli vrta il' goric.
Miškec je jednostavno zalublen svoj
posel, i biciklin, i jako se veseli gda dobi peneze, nagradu za svoje zalaganje
i za trud.
Saki den mu je pun zanimlivosti, saki
den neko iznenađenje, neka nova huncutarija.
Miškec se pela na bicklinu trubi,
popeva neku pesmu, a najdrakša mu :"Došel bum doma, sel se bum pod
brajde", pak si zato navek popeva, pak zastane pred prvom hižom, vadi
pismo z torbe, čita ime, zvoni.... Gazadarica porine glavu čez oblok i gda vidi
da je to poštar fletno zbeži po stezici i otpira lesu. Bluzu kakti neje stiga
zakapčati, z njedri ji vriščiju dve jaboke. Male se spominaju, ona zeme pismo
zafaluje se, Miškec ide daje. V drugu hižu nosi pismo.
Biba čeka poštara, koketera, vleče ga
nuter, kakti njezin Rudek ni doma, pripoveda poštaru kak je njezin zakoniti
star i nemočen.
Poštar se zgovara, nečka, al ga ipak
uspeva nagovoriti pak ujde, ali samo na jen gemišt, jer torba je pona, a posle
poldan mora z ženom v gorice, obrezavati i pleviti od drača...
Za male cajta poštar zide z Bibine
hiže, veseli, po putu si zakapča hlače i popravla robaču, popeva potiho i ide
dale...Zvoni , čita prezimena deli pisma.
Negdi v sredini sela ga nestrplivo
čeka prijatel Štef:
ŠTEF: "Pa gde si do ve, znaš da
v krčmi kod "Francike" imamo zarađenu rundu, se sečaš radi oklade.
Jura je zgubil, pak nam je dužen platiti, a snočka smo si i tak preveč spili,
pak nam denes bu dobro došlo."
POŠTAR:" Ali ja denes imam
preveč pošte, pak sem se svojom dogovoril da idemo v brege, tam je se obraslo v
črevec, denes nemrem trajhati vreme, moram se na vreme vrnoti domo".
ŠTEF: "Jaj jaj, pa kaj to ja
vidim, ti si papučar postal, žena tvoja s tobom komandera, nu daj sim pisma,
bum ti ja pomogel da to brže podelimo, tak da stignemo i v krčmu, a potlam ti
bum išel pomoći na breg."
Poštar se izgovarja, ali mu Štef brže
bole zeme pisma punu šaku i fletno deva v škatulke. V neke riva i po tri ili
četiri pisma, samo da čim predi podeli da se čim predi reši toga.
(Poštar deli po drugi strani, na
brzinu se spomina z vdovicom koja ga vleče za rukav i vabi v hižu..)
(Poštar se otrgava, pokazuje rukom na
Štefa i obečava da se zutra bude navrnol..)
Štef mu prihaja kaže prazne roke,
prima ga za lakat i vleče v krčmu.
V krčmu ulaze i pozdravlaju se. Išču
svoju plačenu kaplicu, spiju, nekolko rundi, meniju se. Saki nekaj pita nekaj
veli i v gostione je žamor i galama.. Spominaju se kakve su im žene doma, koja
voli biti gazda.
Runda za rundom stalno se niže, dižu
se zdravice, spomina se, popeva....
....
Atmosfera sve nabijenija, zrak se
gušči, teme različite, spominje se bračna tolerancija i ravnopravnost v braku.
POŠTAR: (Poveda o tem kako je njegova
žena tiha i skronma, daje mu da on vodi glavnu reč i se pušča njem da on
odluči, kaj se bu delalo, kaj se bu v hižu kupovalo, navek da ga pita kaj bi
štel jesti. Dokazuje da more zapraf konstaterati da on neje papučar
Pijača je je prevzela vlast nad
svimi, pak zdravice, runde, popevka).
Poštar je osetil da mu se vrti, strah
ga prijel.
POŠTAR: Gledi v torbu, tužno i
splašeno. "Pa ja nisem podelil su poštu."
Dva su pisma na dnu torbe. Miškec je
v licu pobelel. Osečal se kaj da ga je nešče vudril po glave. Pisma su bila
naslovljena jedno na Načelnika selske zajednice, a drugo na mesnog župnika.
Obadva su trebala posebnu dostavu, osebno v roke.
Zdigel se je , krenol je, njiha
se.... "Ja to moram odnesti, ja sam dober poštar, čovek v kojega se saki
vu selu more ufati, ja nis nigdar bil huncut. I jen i drugi čovek imaju
poverenje vu mene, ne morem ih prevariti".
Jedan od onih kaj je bil tam, otrgne
mu pisma z ruke, trga kuvertu i počne čitati.
Poštar se spusti niz šank i sjede na
pod, tužno gleda.
Jura Premužič je to bil; otvara pismo
i počme čitati.Smije se," pogleč, pogleč ti to..."
"Pak to našemu Načelniku piše
njegova šoca, tom poštenjaku i dvoličnjaku.
Kazališče brez penez:
JURA PREMUŽIĆ" Lubavi jedina,
nemrem čekati do našega pondelka da mi dojdeš, pak ti se pismom zafalujem za
se. Hiža je pri kraju, včera su mi v dvoru povlekli asvalta, dobro si zračunal,
se ob jenom strošku, vulica i moj dvor, praf za praf to je naš dvor. I garažu
su zgotovili, vrata su na daljinski, baš kak si ti rekel, kaj se saki put nuter
sparkeraš i zapreš i nišče ne bu tvoga bemuea prepoznal, a gda odhajaš onda več
nišče ne čuje. I fala za one peneze kaj si rekel da su ostali gda su novu školu
delali, a ja sem zotim celu hižu namestila, veš mašinu i mašinu za posudu prati
i još mi je bilo dosti za madrac na vodu. Komaj čekam kaj ga sprobamo. I kaj mi
veliš da tvoja navek verje da saki pondelek moraš službeno v Zagreb iti. Srečo
moja! Pak do pondelka, što se bode božji toga dočakal? Tvoja Margareta!"
V krčmi mrva čkomina, potem smeh,
galama.
KRČMAR: "Pak je to Margareta,
vdovica Franceka železničara. Bogec još se nije ni ohladil, a nju je več cela
županija hausdrajsala. A i naš načelnik si je bormeš zebral i rasprl kesu. Je,
je samo se pitam z čijim penezima je to se napravil."
Miškec sedi na podu, žmefko diše, još
je bole bledi v licu.
Prosi tiho čoveka koji se sprema
čitati pismo adresirano na župnika.
POŠTAR" Vrni mi to, naj
otpirati, to pripada svetome čoveku!"
Miškec se zdigel, oče zejti pismo al,
se zanesel i opal kak je dogi i široki. Počel se plakati i cvileti kak pes.
Nišče ga ne posluša, čita se drugo
pismo.
Jendrina:"Dragi Božji čovek i
moj!"
"Čakam da se zmrači i da mi
dojdeš. Nemrem bez tebe, i deca te očeju videti. Se sam spakerala kak si rekel,
obleku za tri nedele.
Ja još nemrem k sebi dojti."
Hiža v Opatiji na mene glasi"! Bojim se kako budu selaki glasali, kaj si
siguren da te ne budu stirali z Župe. Ma znam da se nemam čega bojati, znam da
te tvoji budu dobro zastupali, ipak su cirkveni odborniki veliki gazde v selu i
njima se veruje, a i peneze su dobili, pak te imaju radi čeg braniti. Zato
dojdi Srčeko moje, štela bi se spovedati predi neg otidemo na morje.
Tvoja nevenčane žena i mati tvoji
troje dece!
P.S. Zemi moju bundu kaj sam ji
pozabila v sakrstije gdi smo se spominali posle popevanja."
Pred krčmom se zastavil traktor: V krčmu
je doletela poštarova žena. Gda se išla prema šanku gdi je ležal njen poštar
trojicu je zakvačila i oni su se opali na pod. Došla je do poštara zgrabila ga
za fraklec i sama odvleklakla na kola. Z botom je oplela po Miškecu.. Miškec je
nekolko put štel zdiči glavu, fletno ju je sputil gda ga je pak vudrila z
botom...
POŠTAR:" Zakaj si tak srdita i
zakaj me biješ, štel sam samo pitati što je gazda v naši hiži!"
TAM DEJ KRAJ JE PUTA
autor: Zlatko Kraljić
tam
dej kraj je pauta
šteu
bi na muri ležati
ležati
zvejzde gledati
med
trstikom vijati
mlojne
grabe pregledati
povohati
store
vrbe povohati, podrogati
šteu
bi na sredini mure ležati
v
nojlepši črni oblejki
trčkaj
za društvo biti
skupa
drevja brojiti
i
pustiti da me lejna nese
dauko,
dauko, oči zaprejti
jemput
zdehnuti
globoko
zaspati
i
oditi
NIJE TAK MUORALE BITI
autor: Nada Jačmenica
NIJE TAK MUORALE BITI
Zake sam
zdavna misljila
da bez tebe
nie moči živeti,
da sunce ne bi
zišle
če niesi tuj
i ne razgerneš fierung?
Zake je se
bile zate i bez tebe ničega,
a ti moja
misel i veter za dihanje?
Kej je te
stvorile vrijeme?
Zake bi zdej
štiela pobeči
i biti sama,
daljeke i bez tebe?
Zake čutim da
mi kratiš dihanje
i s potajni
lanci spinjaš moje krile?
Zake sam s
tuobu tak sama
i tak daljeke
krej tebe?
A nie tak muorale
biti.
Da si se
same, skupa s zvezdami,
naluknul h
moje senje.
LETNE POVODNEVJE
autor: Vinko Hasnek
Letne povodnevje
Bregi dišeju
Kak i husta diše
Pokošene sence diši
Letne povodnevje sprešle
Razruvale pote
Zglodale gliboki vodotok
K tomu se preprečil
zrušeni jablan
Melinske kole brez vode
Melini začkomeli
Poti presečeni
Zaprega ne more dalje
Z bregof žile se otprle
Tečali
Voda
Prema našem domu
Zestavili se cajti
Vu kotu stišnjena deca
Glediju durcug
Napuhani oblaki putujeju
Na jug
Nas zestavile naše brige
Dosenjani senji
O, srečna i dugovječna
ljubavi.
STIHI PIESNIKA SU SVETLEČI MEGALOPOLIS
autor: Goran Gatalica
STIHI PIESNIKA SU SVETLEČI MEGALOPOLIS
Kriesnice
letiju črez šaropoljke z dobrodušjem.
Spectrum1 svietla ni presehnul.
Stihi
piesnika su svetleči megalopolis2.
Zranjaju
z morja njegve duše,
pentraju
se umilne po luojtre na vuhe.
Vu
nuoči sejednak nebesa senjaju.
Stihi
su mladienke i jahalci svieta,
hičeni
vu špiglju poviesti.
Leskaju
se vu nekem zviežđu.
Stihi
ipiesnika su svetleči megalopolis2.
Trepču
več predi mraki,
kak
kriesnice tam negde na cesti.
Vu Orion3 buju prešle,
te ponuorele
droptenke samine.
[1] spectrum – spektar vidljive svjetlosti razložen u dugine boje ; [2]
megalopolis- velika, povezana, urbana
područja s najmanje 10 milijuna stanovnika (doslovno značenje), u ovoj pjesmi
oni obasjavaju cijelu pjesnikovu noć snagom kojeg daje jedan megalopolis; [3] Orion – zvježđe s položajem u visini
nebeskoga ekvatora.
2. nagrada
FSTRAN ZVONIJU ZVONI
autor: Ivan Horvat Hlebinski
Fstran zvonijo zvoni
Kaj je to v čoveku, vu
srcu mu, v glavi?
Morti mu se gnjezde
jognjeni pozoji,
Morti vmanje čmele,
zehaktani roji,
Il mu grizo droba žarni
žoti mravi?
Z rok je strgel vuzde i
vragu i Bogu.
Brez kril štel bi biti med
zvezdami ftica,
A v kaližu svojem
glibokom se smica.
Švica se Zemlica vu
kužnomu logu.
Bat zvonov se žmefki kak
znoreni klati –
Kak za jogenj fstran
zvonijo- nemro stati.
Vračtvo od neduha
Zemlica si išče.
Fstran zvonijo, zvoni,
iščo lucko vuho.
Zvone zmirom zdvojno –
čute smrti duho…
An ne čuje nišče, časa
nema nišče.
Štopli so vu vuhu, v žep
se zlato tišče.
1. nagrada
ČRNA ČRNINE ČRNE
autor: Branka Jagić
Črna črnine črne
Ober glave legla mi
megla črna
Črnina
Po licou mi plazila
rezlejala se
Spopala me poplava
Sou me prelejale črne
I gled i negled se je
nuoč
Na črne jajca
Črne tiče nasadila
Nuoč nuoč
Odmekni se nuočnica
Nestani f črninou
črnemuočnica
Svetle mi treba za
spirajnje črnouga
Nikakva kmičnost
mračnost
Vrečenost/ vuročenost
Meglinje/ cujnjinje
Bejži veter preskači
brege megle
Otidi nestani črna noči/
moči
Bouha skoči
Reskolači oči
Proč proč proč črna noči
Pret –stekleni grat- ne
odnesi me
Ne odnesi meee
Odlepi se podmoukla
kmica
Predelavajnjka betežnica
Svuoj stol / črne jele
Vrečou svojou vu
nigdinou stresi
Zmed dve bregof v jarek
Se nek prejde v nike v
niš v niš
Pober svoje črne trage
nestani v bestrage ničega
Svietle nek te pomete
zamete zanaviek
Nestani kmica
Jezek ti splazim/ pusti
me/ pusti!
Nek boum če i mali
žirek/ boum žižek svetla!
Na svrži v laduovine
velikoga rasta
Svetle dej svetleče sem
listem kukcem
Mesec mesečar
Dej iže- rastou
kriesnicou na dar
Nema komentara:
Objavi komentar